Tralas xestións realizadas pola ANPA Río Lérez, o Concello comprometeuse a solucionar os problemas que estamos a vivir nas beirarrúas do Colexio con choiva. Os responsables comentaron á ANPA que pronto se vai levar a cabo unha profunda reforma desta zona da cidade que conlevará a renovación das beirarrúas, pero mentres comprometéronse a realizar unha primeira tarefa de acondicionamento provisional para evitar os charcos que se forman na beirarrúa.

Para iso, van a realizar unha obra no párking, facendo un desagüe que leve a auga directamente á estrada sen pasar pola acera. Deste xeito, non se formarán estes charcos na beirarrúa. Estas actuacións comezarán mañán e levaranse a cabo durante 3 días, nos que non se poderá estacionar no párking. Sentimos as molestias que se poidan ocasionar, pero é algo temporal para solucionar un problema co que levamos loitando moitos anos.

Grazas pola vosa comprensión!