A ANPA Río Lérez convida a todas as familias a participar na Festa de Nadal que terá lugar o venres 19 de decembro no colexio, de 17:30 a 20:00.

A tradicional visita de Papá Noel ao noso colexio non pode faltar! Ademais, a diversión está asegurada coa nosa disco de Nadal, unha tómbola especial con sorpresas para a rapazada, xogos no ximnasio e o Rincón Chill no comedor, que esta vez ofrécevos crear os vosos propios adornos para a árbore de Nadal e uns simpáticos bonequiños de neve.

Ofreceremos merendas especiais preparadas polas familias de sexto curso de Primaria, para recadar cara á súa excursión de fin de curso.

Non perdas esta oportunidade para despedir o trimestre con espírito festivo!