O programa ‘O teu cole na historia, coñecendo a nosa contorna’, desprazarase o vindeiro mércores ás 17:30 horas ao Vidal Portela, onde Polo Correo do Vento realizará unhas sesións divulgativas para explicar ao alumnado a historia do seu colexio e do contorno.

Kike Mauricio e Carlos Taboada (Polo Correo do Vento) e o músico Antón Ke, explicarán  as historias agochadas na Exposición O teu Cole na Historia..

‘O teu cole na historia, coñecendo a nosa contorna’, é un programa impulsado pola Concellería de Educación co obxectivo de que o alumnado de Pontevedra coñeza un pouco mellor a historia dos seus colexios e o contorno no que se atopan e acaden unha maior identificación cos centros.