Onte xoves 11 de Novembro tivemos no cole a festa de Magosto. Unha festa para ir dando xa un novo pasiño de cara á nova normalidade e para ver se no 2022 podemos voltar á dinámica das Festas no ximnasio con todos os rapaces xuntos e desfrutando.

Onte pola mañán @s pequen@s tiveron a actuación do gran DJ Pita e puideron comer castañas asadas a esgalla, cociñadas con maestría por Valentín. Tanto o DJ coma o castañeiro e as propias castañas foron sufragadas pola ANPA con axuda tamén do Colexio. Agardamos que todos @s cativ@s o pasaron ben e xa estamos a maquinar a próxima!!