Menuda festa que montamos o pasado venres 21 no Colexio!! Pasámolo en grande coa celebración do Entroido organizada pola ANPA Río Lérez. Non so desfrutamos cunha nova gran actuación de DJ Pita e flipamos cos disfraces tan chulos e orixinais que todos os nenos e nenas (e algúns pais e nais) trouxeron.

Enchemos ben o bandullo coas merendas dos de Sexto, pero coma non paramos de bailar, queimamos todas as calorías extras.

Tamén tivemos o noso gran concurso de disfraces, no que os gañadores foron:

Na categoría Infantil, Cloe Pérez fíxose co premio, co seu disfrace de Minion

Na categoría Primeiro, Segundo e Terceiro, Foi Aroa Nolasco quen levou o premio, co seu disfraz de Pipi.

E na Categoría de Cuarto, Quinto e Sexto, Edgar Sieros foi o gañador, non só polo seu disfrace se non pola gran actuación que nos brindou no desfile.

Graciñas a todos os que colaboran e fan posible estas festas, colaborando coa ANPA ou coa aportación do seu tempo e esforzo. Sen vós, estas festas son imposibles. Na próxima, a pasalo aínda mellor!!