🚢 Excursión á Illa de Ons – ANPA Río Lérez

¡Imos de excursión en familia! O vindeiro sábado 6 de xuño, dende a ANPA Río Lérez organizamos unha xornada inesquecible na Illa de Ons, contando cunha actividade ambiental da man de Miudiño S. Coop. Galega.

Para que todo saia perfecto, é fundamental seguir os pasos de inscrición, xa que o acceso á illa está limitado e require unha autorización oficial que xestionaremos nós ante a Xunta de Galicia.

📅 Datos clave da xornada

Data: Sábado 6 de xuño.

Saída: 10:45 h dende o Peirao das Corbaceiras, Pontevedra – https://maps.app.goo.gl/8S7NHEpbvX8xECWy7

Volta: 19:00 h ó mesmo peirao de saída.

Prazas: Máximo 150 persoas (por estrita orde de inscrición).

💰 Prezos e Pago

Soci@s da ANPA: 20 € por persoa (maiores de 4 anos).

Non soci@s: 25 € por persoa (maiores de 4 anos).

Menores de 4 anos: De balde (pero é obrigatorio inscribilas no formulario para a autorización).

Atención! Temos unha nova conta bancaria! Este é o novo IBAN da ANPA:

Asociacion de nais e pais de alumnos Río Lerez
ES31 0049 7834 2821 1004 4381

Indicar no concepto: “ONS” e mais o nome e apelidos do representante da familia (por exemplo: “ONS MARIA RODRIGUEZ FERNANDEZ”).

📝Instrucións para a inscrición (Moi importante!)

Para cumprir coa normativa do Parque Nacional e xestionar os billetes de barco, cómpre seguir estas normas:

– Rexistro mediante o formulario: deben cubrirse os datos no formulario de forma individual por cada persoa asistente, sen importar a idade (incluídas @s menores de 4 anos). Para engadir a nov@s asistentes, escolle “Si” na opción “Queres engadir a unha persoa máis?”.

– Autorización da Xunta: Ao cubrir o formulario, dásnos permiso para xestionar a túa autorización de acceso ante a Xunta.

– Xustificante de pago: É imprescindible achegar o xustificante da transferencia ao correo de excursions@anpariolerez.es (pode ser unha foto ou o arquivo do ingreso bancario).

Data límite para a inscrición: o prazo remata o 15 de maio ás 23:59. Non se admitirán reservas despois desa data.

🔗 Formulario de Inscrición

Preme na seguinte ligazón para rexistrar ó teu grupo:
👉 https://forms.gle/5cJgA77R1PNdwjrm8

Nota: A reserva de praza só será efectiva unha vez recibido o formulario, o xustificante de pago e comprobados os datos.

Se existe algún problema coa vosa reserva, poñerémonos en contacto convosco mediante o teléfono/correo electrónico que proporcionedes no formulario de inscrición.

Para calquera dúbida, escríbenos a: excursions@anpariolerez.es ou ó 609283375 (WhatsApp/Telegram).

📋 Normas e recomendacións

– Cada grupo deberá contar con polo menos un adulto responsable, que se fará cargo de tod@s @s menores dese grupo.
– Se nun grupo inclúese algunha persoa non socia da ANPA Río Lérez, pagarase pola súa praza o importe para non soci@s (25 € por persoa).
– As familias socias terán prioridade á hora de conceder as prazas para a excursión.