Aviso: o prazo para enviar novas solicitudes para a actividade de piscina está pechado.

Coma o curso pasado, BeOne Campolongo oferta ós socios da nosa ANPA prazas para unha actividade extraescolar de Natación, que terá como fin a familiarización e o inicio na aprendizaxe da natación cun carácter lúdico, así como a práctica do exercicio físico no medio acuático. Esta actividade comezará o 1 de outubro.

Se che interesa, envía un correo electrónico a: anpariolerezpiscina@gmail.com  coa seguinte información para cada nen@ que se quera apuntar:

• Nome e apelidos

• Idade
• Piscina pequena ou profunda? (principiante ou nadador/a con experiencia)*
• Día(s) e horario preferente(s) (recomendamos engadir un día alternativo, por se non hai prazas no preferente)

Opcións de horario:

As actividades terán unha frecuencia de unha clase semanal de 45 minutos, a escoller entre:

1. a) De Luns a Venres ás 15:45: Piscina pequena (para @s nen@s que NON sepan nadar na piscina profunda)
2. b) De Luns a Venres ás 15:45: Piscina profunda
3. c) De Luns a Venres ás 16:30: Piscina profunda

*Nota: A piscina ten 1,90m de profundidade. Hai que poder facer un largo (25m) nela sen axuda para poder acceder a ela.

Os grupos para cada día e horario formaránse con un mínimo de 5 nen@s.

Prezo da actividade:

– O prezo é de 41,72 € por cada cuadrimestre, e farase mediante transferencia por adiantado á conta da ANPA Río Lérez (ABANCA – IBAN: ES 45 2080/5405/31/3000173202).

Calendario:

A actividade comezará o mércores 1 de outubro de 2025 e rematará o venres 29 de maio de 2026.

Divídese en 2 cuadrimestres:

• Primeiro: 01/10/2025 ata o 30/01/2026
• Segundo: 02/02/2026 ata o 29/05/2026

– Séguese o calendario escolar, é dicir: se non hai clase, non hai actividade extraescolar.

– Tódolos nen@s virán conxuntamente acompañados por @s pais/nais/tutores.

Normativa da actividade:

– Tod@s @s nen@s han de traer de xeito obrigatorio: gorro, bañador, gafas e chanclas (no caso de usar escarpíns, non poderán meterse con eles na auga). Nas instalacións non dispoñen de material para préstamo, só unha tenda para mercalo.

– Cada nen@ terá á súa disposición unha taquilla individual. É responsabilidade d@s pais/nais empregar un candado para a súa seguridade. Os bancos deberán de quedar baleiros mentres dura a actividade, as pertenzas ou se levan con uno mesmo, ou se gardan na taquilla.

– Idade mínima: @s nen@s deben estar matriculados no vixente ano, como mínimo, en 2º curso do 2º ciclo de Educación Infantil (nados no 2021 ou antes).

– Vestiarios de grupos: Hai dous vestiarios para o uso de ANPAS e CLUBES: “familias e grupos”, un masculino e un feminino. Se @ nen@ vai acompañad@ dunha muller, deberá ir ó vestiario feminino, e se vai acompañad@ dun home, deberá ir ó vestiario masculino. Os menores de 7 anos poden ir ó vestiario feminino e as menores de 7 anos poden ir ó vestiario masculino. Só pode ser un adulto por nen@, que usará chanclas na zona de duchas e non permanecerá no vestiario mentres dure a clase (accederá 5 minutos antes de rematar a actividade).

Contacto BeOne:

986 863 855.

https://beone.es/centers/campolongo