Desde a ANPA do CEIP Manuel Vidal Portela temos o pracer de anunciar que este ano escolar a ESCOLA XADREZ PONTEVEDRA ofrécenos un obradoiro de xadrez para o noso alumnado. O xadrez é unha actividade que, ademais de ser divertida, axuda a mellorar habilidades como o pensamento crítico, a concentración e a capacidade de resolución de problemas.

Detalles do obradoiro:

• Duración: do 3 de outubro de 2024 ao 29 de maio de 2025.
• Horario: Os xoves.Grupo A: 16:30 a 17:30. Alumnado de 6º de Educación Infantil a 6º de Educación Primaria.
• Lugar: Aula de actividades extraescolares.
• Profesor: Pablo García Castro, Mestre Internacional de Xadrez – FIDE Trainer – Organizador Internacional FIDE – Ciencias da Educación, Especialidade Educación Física, con máis de 25 anos de experiencia na ensinanza.

Obxectivos principais do obradoiro:

1. Introducir ao alumnado nas regras e estratexias básicas do xadrez.
2. Desenvolver habilidades de pensamento lóxico e estratéxico.
3. Fomentar o respecto e a deportividade a través do xogo.

Inscrición:

Para inscribir o seu fillo/a, por favor, completade este formulario adxunto e enviádeo ao correo da ANPA. O custo do obradoiro é de 17 euros por unha hora semanal. O prezo inclúe todos os materiais necesarios.

Estamos seguros de que este obradoiro será unha experiencia moi enriquecedora para o alumnado, e esperamos contar coa súa participación e apoio.

Se teñen algunha pregunta ou precisan máis información, non dubiden en contactar connosco.

Grupo mínimo de 14 alumn@s.